Ég hef auðsjáanlega ekki bloggað síðan í febrúar og nú er kominn júni !  En smáfréttir   Frosti fór á sýningu í febrúar, dómarinn ákvað að hæðamæla stubbinn og mældi hann 38 cm á herðakamb   ég held að Frosti reisi sig upp á móti stikunni og mælist hærri en hann er því þegar hann var mældur af öðrum þá er hann 36 cm.  Anyhow, við ákváðum að gefa sýningunni í júni frí.............  Kisurnar fóru svo á sýningar í mars, Tanja fékk stigin sín og er nú komin nokkuð nálægt því að verða æðsti meistari  Tumi fékk líka sín stig og var valinn besti geldingur í categoríu III á sunnudeginum   fínastur...... Askur er betri en ég þorði að vona, sýnir lítil merki um að sjúkdómurinn sé að ágerast...... kannski verður hann bara allra kalla elstur   en sem sagt hér gegnur dýralífið sinn vanagang, göngutúrar, sýningar, göngutúrar......  Framundan er hundasýningin um helgina, en ég ætla að hjálpa Steinunni vinkonu með Goldenana og síðan verður deildarsýning Retrieverdeildarinnar í lok júni..... lofa að blogga fljótlega og setja inn myndir ...

Enn er langt milli færslna hjá mér, það er bara alltaf svo mikið að gera   en núna er ég á rólegri næturvakt og ákvað að skrifa eitthvað.
Áramótin voru hefðbundin hjá okkur, vorum heima með dýrunum yfir áramótiin sjálf allt of mikið sprengt í vesturbænum (veit hljóma eins og gömul kelling, en dýrin verða hrædd í öllum þessum látum) og á nýjársdag ákváðum við að fara með hundana í göngutúr upp í bústað.  Askur elkar að fara þangað, fjaran og áin er eitthvað fyrir hann

Þarna eru þeir bræður að leggja af stað í göngu.....

Frosti alsæll og grútskítugur

Já sæll !!! Askur búinn að kíkja ofan í fjöru

Svo erum við að venju búin að fara í ýmsar skemmtilega göngur...... Steinunn vinkona mín var með Golden got í haust og höfum við verið að hitta hana og hundana, þar af tvo af hvolpunum í göngutúrum í vetur

Askur og Guttormur litli í desember

Frosti og Guttormur og Grace í desember

Frosti og Guttormur núna um helgina ótrúlegt hvað þessir hvolpar stækka hratt....


Gönguhópurinn (ferfætti hlutinn) um síðustu helgi í frábæru veðri.....

Við Frosti skelltum okkur á dansnámskeið

Það var frekar kalt í reiðhöllinni þannig að Frosti þurfti að vera í rauða flísgallanum sínum, Fíu vinkonu hans fannst hann soldið undarlegur þannig

Svo er hundasýningin framundan um næstu helgi..... nokkrir af Golden hvolpunum hennar Steinunnar verða sýndir kl. 09:00 á laugardagsmorgninum og svo verðum við Frosti í hring kl. 11:40 á laugardeginum.  Svo má sjá mig við Briard hringinn á sunnudeginum kl. 09:00 en ég ætla að aðstoða hana Stellu vinkonu með Imbir og Ílu Briard krúslur. 

En ég er farin að hlakka til að komast heim og hafa það jafn notalegt og þeir bræður höfðu það á föstudagskvöldið síðasta.........


zzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzz

Frostamúsin mín er eins árs í dag




Fyndið að skoða myndirnar og sjá hvað hann hefur stækkað og dafnað á þessu ári........

Hér hafa menn og dýr haft það gott um jólin, þótt við hefðum gjarnan vilja sjá smá snjó
Á aðfangadag hjálpuðust allir við að opna pakkana

Tumi tékkar á hvort ekki sé óhætt að opna þennan

Tönju finnst þessi bláa slaufa eitthvað hálf hallærisleg

Askur og Frosti voru mjög hjálplegir, en þarna eru þeir að hjálpa Gunna með pakka

Askur duglegi að opna sinn pakka, Frosti ákvað hins vegar að drösla sínum pakka inn í kattabælið til að fá næði við að opna þannig að ekki náðist mynd af honum að opna

Í dag fórum við svo í langan göngutúr upp í Bláfjöll og strákarnir réðu sér ekki fyrir kæti

Frosti með boltann fína

Askur á fleygiferð eins og alltaf

og svo í lokin ein mynd af jólatunglinu myndin er tekin um kl. 13:00 eða um hábjartan dag!


Svo er það bara vinnan á morgun, sem er ágætt, of mikil leti er farin að hrjá mannskapinn hér

Gleðileg jól og farsælt komandi ár

Elsu krúslan hún Tanja, ljúfasti köttur í heimi er 5 ára í dag   Hún óskar öllum systkiinum sínum innilega til hamingju með daginn   Hún ætlar að halda upp á afmælið í ró og næði með hugglegum dinner sem einungis Tuma er boðið í ....... boðið verður upp á kjúklingabringur því hún er ætið að passa upp á línurnar

Síðasta sýning hjá Kynjaköttum gekk vel hjá okkur   Tanja fékk síðasta CAGPIB stigið sitt á laugardeginum og fékk risastóra GIP rósettu (sem á mannamálið þýðir að hún er orðin alþjóðlegur stórmeistari geldinga, eða Grand International Premier)  þannig að á sunnudeginum fékk hún sitt fyrsta stig til æðsta meistara .  Millie litla frá Kolsholti var valin BIV (Best in Variety) báða dagana og fór því í úrslit.  Millie er rosalega falleg Aby læða með mikið minna hvítt á hökunni en Tanja þannig að dómarinn valdi hana betri (sem eðlilegt er).  Tumi stubbur fékk líka sín stig báða dagana og var valinn í úrslit á sunnudeginum þar sem hinn gullfallegi CRX Jóggvan Uni var valin betri. 




Þetta þýðir að Tumi á eftir að fá tvö stig til að verða alþjóðlegur stórmeistari og Tanja á eftir 9 stig til æðsta meistara   sem sagt við þurfum að mæta á 9 sýningar alla vega í viðbót

Hundarnir er hressir, elska snjóinn og ég lofa að setja fréttir af þeim og myndir bæði af kisusýningum og hundagöngutúrum mjög bráðlega.........

þar til næst 

Við verðum í Miðhrauni við hliðina á Dýraríkinu opið 10-18

ég er búin að vera skelfilega löt að setja inn fréttir   margt hefur samt gerst frá því síðast flest gott  en annað kannski ekki jafn gott
En byrjum á ferðalaginu sem við fórum í  við tókum hundana og fórum norður í Þistilfjörð að veiða í svartaþoku.........

Frosti ákvað að hafa það huggulegt inni og gera eins og kallarnir :)
En við vorum mikið úti, Gunni veiddi helling af laxi ég var að sinna hundunum....... það var svo mikil þoka að maður sá ekki rollurnar fyrr en þær allt í einu jörmuðu framan í okkur   Hundarnir náttúrulega bara borgarhundar þannig að þeir þurftu að vera í taumi allan tímann......

Þreyttir bræður
Síðan keyrðum við austur, fengum lánað hús á Egilsstöðum og skoðuðum okkur um á austfjörðum, ég komst að því að íbúar Borgarfjarðar eystri hafa sérstakan húmor.....

þarna er mynd af manni með haglabyssu límd innan á glugga á verkstæði
Við fórum líka yfir í Loðmundarfjörð, ofboðslega fallegur fjörður sem er í eyði, váh hvað strákarnir elskuðu að rasa út þar

Askur þeysist yfir ána

Frosti þeysist eftir veginum....... hann er ekki alveg að skilja þess vatnsþörf Asks

Askur er eini hundur í heimi sem getur orðið skítugur af að synda
Húsið sem við vorum í á Egilsstöðum er draumahús fyrir hundafólk og hundana

Stór aflokaður pallur með heitum potti...... váh hvað ég væri til í að flytja húsið hingað á suðvesturhornið
En svo héldum við heim aftur og Frosti fór á tvær sýningar í ágúst, gekk vel og lenti í úrslitum um besta hvolp sýningar á laugardeginum

Svona lítur kappinn út þegar Elis vinur minn er búinn að snurfusa hann fyrir sýningar
Við Frosti fórum svo í sporapróf 29. ágúst og haldiði ekki að gaurinn hafi þrusast í gegnum sporið og náð 90 stigum af 100 mögulegum, rétt tæplega 8 mánaða kríli

Það skal enginn segja mér að dvergsnási sé ekki vinnuhundur

Við Askur og Frosti fórum líka í 3 daga vinnubúðir hjá Hundalíf á Snæfellsnes, gistum í tjaldi og alles   Askur var sko alveg að fíla það í botn að sofa úti, en Frosta fannst þetta soldið skrítið.  Við æfðum hlýðni í góðra kvenna og hunda félagsskap og svo voru kvöldvökur á kvöldin og farið í ýmsa skemmtilega hundaleiki... annað kvöldið fengu hvolparnir að sprella saman og Frosti sem aldrei viðurkennir að hann sé lítill eignaðist fínar vinkonur   sem voru í svipaðri stærð og hann (að honum finnst)

Frosti og Fía labrador
Við eignuðumst svo nýjan "hundfrænda" en Kristín systir fékk þennan fína litla Coton de Tulear hvolp

sem heitir Eliot, en hér eru þeir frændur að leika

En svo það sem er miður, Askur litli greindist með sjúkdóm sem heitir Spondylosis sem veldur útkölkunum við hrygginn og eru hryggjarliðirnir hans að límast saman   ég tók fyrst eftir því að hann hreyfði afturfæturnar skrítilega þegar ég sá video af okkur á júní sýningunni, fór með hann í myndatöku og þetta var niðurstaðan.....
Hann er engu að síður hress að vanda, verður bara soldið stirður eftir að hreyfa sig mikið en fær þá verkjalyf ...

Alltaf glaðastur .........

Svo eru það kisusýningarnar um helgina   Set inn fréttir þaðan eftir helgi



Lýk þessu með mynd af þeim bræðrum í haustlitunum........

Hann Tumi litli  hann er orðinn 4. ára gamall........ hvert fór tíminn?

Alltaf svo fínn


Smáknús frá Aski í tilefni dagsins

Mér finnst svo stutt síðan hann kom inn á heimilið þessi duglegi litli kettlingur sem var svo ákveðinn í að hann yrði stærstur   Honum tókst það áætlunarverk ekki alveg en er duglegur að stjórna hundum og mönnum.  Við að sjálfsögðu óskum Karlottu og Rómeo systkinum hans til hamingju með daginn og megiði öll lengi lifa !!!!